Moskvada yashirinib yurgan o‘zbekistonlik o‘g‘ri ekstraditsiya qilindi

O‘zbekiston fuqarosi Moskvadan ekstraditsiya qilindi. U o‘g‘irlikni amalga oshirgani uchun jinoiy javobgarlikka tortiladi. Erkak Moskvada 2016 yildan beri yashirinib kelgan, deb xabar bermoqda Rosbalt.ru.

Moskva prokuraturasi matbuot xizmatining xabar berishicha, ayblanuvchi 2016 yilning yanvarida Namangan shahrida hamyurtining mol-mulkini o‘margan. 2017 yilning fevralida davlatlararo qidiruvda bo‘lgan erkak Moskva politsiyasi xodimlari tomonidan qo‘lga olindi.

Rossiya bosh prokuraturasi jinoyatchini topshirish haqida qaror qabul qildi, deb qo‘shimcha qilib o‘tishgan prokuraturada.