AQShda 2016 yilda huquq-tartibot idoralari bir sud orderi bo‘yicha 3 mln 292 ming 385 ta telefon suhbati va xabarlarni qo‘lga kiritganlar. Bu haqda AQSh sudlarining 2016 yildagi maxfiy tinglashlar haqidagi hisobotida aytilgan.
Bu order 60 kunga Pensilvaniyada giyohvand moddalar bilan bog‘liq tergov doirasida berilgan. 26 kishi orqasidan kuzatuv olib borilgan.
Huquq-tartibot idoralari ushbu ish bo‘yicha 16 kishini hibsga olishgan, biroq bu odamlardan birortasi hali sudlanmagan. Tinglashlarga 355 ming dollar sarflangan.
Hisobotga ko‘ra, 2016 yilda huquq-tartibot idoralari 3168 ta tinglash bo‘yicha hisobot berishgan. Olingan ma'lumotlar asosida 12 mingdan ko‘proq odam ushlangan, ulardan deyarli har o‘ninchisi sudlangan.
