14:59 / 01.07.2017
13283

Andijonda g‘alla o‘rimi avj pallasiga kirdi

Ayni payt Andijon viloyati g‘alla maydonlarida bug‘doyga o‘roq tushib, uni yig‘ish ishlari avj pallasiga kirgan. 

Dehqon va mutaxassislarning fikricha, bu yilgi g‘allaning cho‘g‘i har yilgidan yaxshi. Viloyatning barcha fermer ho‘jaliklarida kuzdan boshlab qilingan mashaqqatli mehnatning hosilidan barakali xirmon ko‘tarilmoqda.  

 Jumladan,  Oltinko‘l tumanidagi fermer  ho‘jaliklari 4 ming 590 gektar yerda bug‘doy parvarishlab, ko‘zlangan 16370 tonnalik maqsadga erishdilar.  Ularga hududda tuzilgan 11 ta otryad a'zolari yaqindan yordam bermoqda. 

38 yildan beri dehqonchilik qilib kelayotgan Dilshodbek Mansurov boshchiligidagi “Oltinko‘l jannat yog‘dusi” ho‘jaligida bug‘doyning “Andijon-4” navi ekilib, gektaridan 71,8 sentnerdan hosil ko‘tarildi.   

Kuni kecha mazkur ho‘jalik dehqonlarining  mehnatlari munosib taqdirlanib,  viloyat va tuman hokimligining qimmatbaho sovg‘alari topshirildi.     

Kun.uz muxbiri Elmurod Ermatov, Andijon
 

Mavzuga oid
Top