Komilov: Terrorizm sanoqli davlatlar emas, barcha mamlakatlar muammosi

O‘zbekiston Tashqi ishlar vaziri Abdulaziz Komilov Xalqaro Press-klubda o‘tkazayotgan jonli muloqoti doirasida ayrim xorijiy mamlakatlarda terrorchilik aktlarini sodir etgan o‘zbekistonliklar xususida fikr bildirdi. 

Uning bayonot berishicha, xalqaro terrorizmga qarshi kurash va bu illatning oldini faqatgina O‘zbekiston yoki boshqa ayrim davlatlar emas, balki dunyoning barcha mamlakatlari hukumatlarining birdek muammosidir.

Komilovga ko‘ra, ba'zi davlatlarda kelib chiqishi o‘zbekistonlik bo‘lgan terrorchilarni va ularning o‘zbekistonlik ekanini muhokama qilish o‘rniga xalqaro terrorizmga qarshi kurash muammosiga jiddiy e'tibor qaratish maqsadga muvofiqdir.