14:56 / 07.07.2017
24792

Ivanka Trampning oldiga kelayotgan qurolli erkak ushlandi

Foto: AP

AQSh Maxfiy xizmat xodimlari Nyu-Yorkdagi Trump Tower binosiga kiraverishda 52 yoshli Adams Benitesni qo‘lga olishdi. New York Daily News shu haqida xabar berdi

Agentlar erkakning ko‘ylagi ostida bronojilet borligini sezib, uni to‘xtatishga qaror qilishdi. Benites qo‘riqchilarga o‘zining Amerika senatori, shu bino egasi ekani va prezidentning qizi Ivanka Trampning oldiga uning garderobini muhokama qilish uchun kelganini aytgan. 

Uni tintuv qilish chog‘ida yonidan ikki pichoq, paypoqdan yasalgan qo‘lbola tasma-g‘ov va shaxsni tasdiqlovchi soxta guvohnoma topilgan. Maxsus xizmatlar xodimlari uni qo‘lga olib, psixiatrik ekspertiza uchun shifokorlarga topshirishgan. 

Benitesga noqonuniy qurol saqlash va soxta hujjatlardan foydalanish ayblovi qo‘yildi. 

Top