Фото: AP
АҚШ Махфий хизмат ходимлари Нью-Йоркдаги Trump Tower биносига кираверишда 52 ёшли Адамс Бенитесни қўлга олишди. New York Daily News шу ҳақида хабар берди.
Агентлар эркакнинг кўйлаги остида броножилет борлигини сезиб, уни тўхтатишга қарор қилишди. Бенитес қўриқчиларга ўзининг Америка сенатори, шу бино эгаси экани ва президентнинг қизи Иванка Трампнинг олдига унинг гардеробини муҳокама қилиш учун келганини айтган.
Уни тинтув қилиш чоғида ёнидан икки пичоқ, пайпоқдан ясалган қўлбола тасма-ғов ва шахсни тасдиқловчи сохта гувоҳнома топилган. Махсус хизматлар ходимлари уни қўлга олиб, психиатрик экспертиза учун шифокорларга топширишган.
Бенитесга ноқонуний қурол сақлаш ва сохта ҳужжатлардан фойдаланиш айблови қўйилди.
