Markaziy Xitoydagi davomli sel yomg‘irlari natijasida 12,2 million kishi falokat zonasida qoldi. Bu haqida 9 iyul kuni "Sinxua" agentligi xabar berdi.
Xunan provinsiyasida 83 kishi halok bo‘ldi va bedarak yo‘qoldi, deya ma'lumotlarni keltiradi mahalliy ma'muriyat. Ularning orasidan 28 kishi ko‘chkilar ostida qolgan, 22 nafari qulagan binolar ostida qolgan, 4 nafari cho‘kib ketgan, yana 16 kishi yer ko‘chishi va boshqa sabablar natijasida halok bo‘lgan.
1,62 million kishi shoshilinch ravishda evakuatsiya qilindi, 470 mingdan ziyod kishi shoshilinch moddiy yordamga muhtoj.
22 iyundan buyon davom etayotgan kuchli sel yomg‘irlari Xunanning 53 ming turar-joyi vayron bo‘lishi va 68 mingining jiddiy talofot ko‘rishiga sabab bo‘ldi.
Voqea natijalarini bartaraf etish uchun 52 ming harbiy, politsiyachi, o‘t o‘chiruvchi va hukumat idoralari ishchilari jalb qilingan.
