Xitoyda Yaponiyaning 35 fuqarosi qo‘lga olindi

Xitoy hukumati Yaponiyaning firibgarlikda gumonlangan 35 fuqarosini qo‘lga oldi. Bu haqda Yaponiya TIV xabar berdi, deb ma'lum qilmoqda Reuters.

«Bizga ma'lum bo‘lishicha, mahalliy hukumat [Xitoy] Guanchjoudagi bosh konsullikni [Yaponiyaning] firibgarlikda gumonlangan 35 nafar yapon fuqarosi qo‘lga olinganidan xabardor etgan», - deya xabar berdi Yaponiya TIV.

Yaponiya tashqi siyosat idorasi qo‘shimcha ma'lumot taqdim eta olmagan, sababi tergovni Xitoy hukumati o‘tkazmoqda.

Biroq, Nikkei gazetasi ma'lumotiga ko‘ra, qo‘lga olinganlar Tokioga yaqin yerda joylashgan Tiba prefekturasidagi yapon fuqarolariga nisbatan telefon firibgarligini amalga oshirishga aloqador bo‘lishi mumkin.