Ukrainaning birinchi prezidenti Donbass ustidan nazorat nega yo‘qotilganini aytdi

Ukrainaning birinchi prezidenti Leonid Kravchukning ma'lum qilishicha, Kiyev Qrim va Donbass ustidan nazoratni muxolifat bilan kelisha olmagani tufayli yo‘qotgan. U bu haqda «Korrespondent.net» nashriga ma'lum qildi.

Kravchukning ta'kidlashicha, u ikkinchi Maydon vaqtida muzokaralar stoli moderatori bo‘lgan.

«Ulardan birida men deyarli barcha manfaatdor shaxslarni suhbatga chaqirishning uddasidan chiqdim. Biroq ochiq muloqot amalga oshmadi, sababi hammasi o‘zaro ayblovlar bilan yakun topdi. Qandaydir muzokaralar liniyasini aniqlash bo‘yicha harakatlar muvaffaqiyatsizlik bilan tugadi», - dedi Kravchuk.

Uning fikricha, agarda kelishishning uddasidan chiqilganda, Donbassdagi mojaro va Qrimning Rossiyaga qo‘shilishini chetlab o‘tish mumkin bo‘lardi.