Mirziyoyev Xitoy bilan xalqaro avtomobil qatnovi to‘g‘risidagi bitimni tasdiqladi

O‘zbekiston prezidenti Shavkat Mirziyoyev O‘zbekiston Respublikasi va Xitoy Xalq Respublikasi Hukumati o‘rtasida Pekin shahrida 2017 yilning 12 may kuni imzolangan xalqaro avtomobil qatnovi to‘g‘risidagi Bitimni tasdiqladi. Bu haqda davlat rahbari rasmiy sayti xabar berdi.

Prezident O‘zbekiston TIVga Xitoy tomoniga O‘zbekiston Respublikasi tomonidan ko‘rsatilgan xalqaro kelishuv kuchga kirishi uchun kerakli bo‘lgan davlat ichidagi jarayonlar bajarilgani to‘g‘risida bildirishnoma yuborish vazifasini topshirdi.

O‘zbekiston Vazirlar Mahkamasi va tegishli vazirlik hamda idoralar rahbarlariga ko‘rsatilgan xalqaro kelishuv kuchga kirganidan so‘ng O‘zbekiston Respublikasi majburiyatlarini bajarishni nazorat qilishni tegishli tartibda ta'minlash bo‘yicha vazifa yuklandi.