O‘zbekistonlik o‘quvchi xalqaro matematika olimpiadasida kumush medal oldi

Braziliyaning Rio-de-Janeyro shahrida bo‘lib o‘tgan 58-Xalqaro matematika olimpiadasida jahonning ko‘plab davlatlari qatori, o‘zbekistonlik o‘smirlar ham ishtirok etishdi.

O‘zbekistonliklar bitta kumush medal, to‘rtta faxriy yorliq bilan qaytishdi. Bu haqdagi ma'lumot xalqaro matematika olimpiadasining rasmiy saytida keltirilgan.

Shuhrat Ismoilov rahbarligidagi o‘quvchilar guruhidan Abdumalik Abduqayumov absolyut 82 ball, nisbatan 86,81 foiz natija ko‘rsatib, kumush medalga sazovor bo‘lgan. Shuningdek, Davrbek Oltiboyev, Tolibjon Ismoilov, Doniyor Yazdonov, Doniyorbek Matyoqubov erishgan natijalari uchun maqtov yorlig‘i bilan taqdirlanishgan.

Vakillarimiz umumjamoa hisobida 69 ball to‘plashdi. 170 ball to‘plagan janubiy koreyalik yosh matematiklar birinchi, xitoyliklar ikkinchi (159), Vetnamdan kelgan o‘quvchilar uchinchi o‘rinni (155) egallashdi. Kuchli o‘nlikdan AQSh (148), Eron (142), Yaponiya (134), Singapur, Tailand (131), Buyuk Britaniya va Tayvan (130) o‘rin olgan.