Shimoliy Koreya navbatdagi raketa sinoviga tayyorgarlik ko‘rmoqda. AQSh razvedkasi buning uchun zarur bo‘lgan qurilmaning tashilishini Kuson shahrida qayd qilgan. Aynan shu shaharda Pxenyan 14 may kuni ballistik raketa uchirgan start maydonchasi joylashgan.
Avvalgi holatlarda texnikaning yetkazilishi bilan sinov o‘tkazilishi orasidagi vaqt 6 kundan ko‘p bo‘lmagan. Bunday ma'lumotni Pentagonga iqtibos keltirgan holda CNN telekanali tarqatdi. AQSh fikricha, Pxenyan navbatdagi raketa uchirishni 27 iyulda Shimoliy Koreyada Koreya urushi yakunlangani sharafiga o‘tkaziladigan milliy bayramga bag‘ishlashi mumkin.
4 iyulda Shimoliy Koreya markaziy televideniyesi "Xvason-14" qit'alararo ballistik raketasi ilk marta muvaffaqiyatli uchirilgani haqida ma'lum qilgandi. O‘shanda Vashington Shimoliy Koreya tomondan tahdid kuchayganini aytgan va bunga qarshi "global harakatlar"ni talab qilgan.
