Iste'foga chiqqan Navoz Sharifning ukasi Pokiston bosh vaziri bo‘ladi

Pokistonning eng yirik Panjob viloyati rahbari Shohboz Sharif nomzodi hukmron “Pokiston Musulmon ligasi” partiyasinig 4 soatlik norasmiy majlisida tasdiqlandi. Kengashni partiya rahbari va Vazirlar mahkamasining sobiq raisi Navoz Sharif olib bordi, deb yozmoqda Dawn nashri.

Shohboz Sharif bosh vazirlik lavozimini egallashi uchun Panjob viloyat assambleyasida deputatlik kursisidan voz kechishi kerak. Shundan so‘ng, parlament quyi palatasi Milliy assambleya saylovoldi jarayonida qatnashadi. Buning uchun “Pokiston Musulmon ligasi”ning Milliy assambleyadagi a'zolaridan biri, an'anaga ko‘ra, o‘z xohishi bilan deputatlikni tark etadi. 

Shohboz Sharif nomzodi parlamentga saylangudek bo‘lsa, uning nomzodi partiya nomidan bosh vazirlikka ilgari suriladi. Sharifning g‘alabasi partiyaning mutlaq ustunligi e'tiborga olinsa, ta'minlanishi shubhasiz. Qayd etilgan jarayonlar 45 kun davom etadi. 

Pokiston Bosh vaziri Navoz Sharif mamlakat Oliy sudi uni korrupsiyada ayblanayotgani sababli lavozimiga noloyiq deb topgani sababli iste'fo bergan edi.