29 iyul kuni Toshkentda 5 ta YTH yuz berdi, 7 inson jarohat oldi

2017 yilning 29 iyul kuni Toshkent shahri hududida 5 ta yo‘l-transport hodisasi qayd etilgan. Mazkur yo‘l-transport hodisalarida 7 nafar shaxs tan jarohati olgan, vafot etganlar yo‘q. Bu haqda Toshkent IIBB xabar berdi.

2017 yilning 29 iyul kuni YPX inspektorlari tomonidan jami 2283 ta huquqbuzarlik bo‘yicha ma'muriy bayonnomalar rasmiylashtirilgan bo‘lib, shulardan, 478 tasini qo‘pol turdagi, 26 tasini mast holda transport vositasini boshqarish tashkil etgan. 

Toshkent shahar IIBB YHXB kompyuterlashtirilgan boshqaruv tizimi tomonidan 2017 yil 29 iyul kuni jami 1844 ta huquqbuzarlik qayd etilgan bo‘lib, shulardan 1050 tasini svetoforning taqiqlovchi chirog‘iga bo‘ysunmasdan harakatlanish, 794 tasini belgilangan me'yordan yuqori tezlikda harakatlanish tashkil etadi.