Chilonzor tumanida 30 iyul kuni soat 07:23larda Chilonzor tuman IIB HPB profilaktika inspektorlari tomonidan “Olmazor” metro bekati oldida bezorilik qilgan shaxs qo‘lga olindi. Bu haqda Kun.uz’ga IIV Huquqbuzarliklar profilaktikasi bosh boshqarmasi xabar berdi.
Chilonzor tumanida 30 iyul kuni soat 07:23 larda Bunyodkor shoh ko‘chasida joylashgan “Olmazor” metro bekati oldida 1986 yilda tug‘ilgan, muqaddam sudlanmagan, ishlamaydigan, Do‘mbirobod ko‘chasida yashovchi S.D. bezorilik oqibatida, 1979 yilda tug‘ilgan, ishlamaydigan, Mirzo Ulug‘bek tumani, Ne'mat ko‘chasida yashovchi Q.O.ni urib, tan jaroxati yetkazganligi aniqlangan.
Chilonzor tuman IIB tomonidan fuqaro S.D.ga nisbatan O‘zbekiston Respublikasi JKning 277-moddasi 2-qismi bilan jinoyat ishi qo‘zg‘atilgan.
