«PSJ» chorshanba kuni Neymar transferini e'lon qiladi

«Barselona» hujumchisi Neymar tez orada Fransiyaning «PSJ» klubi futbolchisiga aylanadi. Bu haqda RMC Sport telekanali xabar bergan.

Manba tarqatgan xabarga ko‘ra, parijliklar oxir-oqibatda braziliyalik 25 yoshli futbolchining transferini chorshanba kuni e'lon qilish kutilmoqda.

Neymar tibbiy ko‘rikdan o‘tish uchun seshanba kuni Dohaga yetib boradi.

«PSJ» Neymarning transfer huquqini kataloniyaliklardan 222 million yevro evaziga sotib olishi kutilmoqda.