Venesueladagi norozilik namoyishlarida 13 kishi halok bo‘ldi

Venesuelada hukumatga qarshi davom etayotgan namoyishlarda bir kecha-kunduzda 13 kishi qurbon bo‘ldi, deb yozmoqda El Nacional.

Aniqlik kiritilishicha, 5 kishi Merida shtatida, 5 kishi Taxirda halok bo‘lgan.

Halok bo‘lganlar orasida politsiyachi borligi ham xabar qilinmoqda. 

Qolgan ikki kishi mamlakatdagi taniqli siyosatchilardir. Ulardan biri Ta'sis kengashiga nomzod Joze Feliks Pineda va «Demokratik harakat» muxolif partiyasi matbuot kotibi Rikardo Kampos ekani aytilmoqda.

30 iyul kuni Venesuela hududida Ta'sis kengashiga saylovlar bo‘lib o‘tdi. Nomzodlar orasida Venesuela muxolifati vakillaridan hech kim yo‘q.