Video: Neymar o‘yindan keyin «Real» kiyim almashtirish xonasiga kirib, u yerda 15 daqiqa o‘tkazdi

«Barselona» hujumchisi Neymar Xalqaro chempionlar kubogi doirasida «Real»ga qarshi kechgan uchrashuvdan keyin raqib jamoaning kiyim almashtirish xonasiga kirgan. Planeta Deportiva xabariga ko‘ra, u bu yerda 15 daqiqa o‘tkazgan.

Qayd etilishicha, 25 yoshli futbolchi madridliklar jamoasidagi vatandoshlari Karlos Kasemiro va Marselo bilan kataloniyaliklar klubidan ketayotgani haqidagi mavzuni muhokama qilgan. Videoda futbolchi kiyim almashtirish xonasidan «Real» futbolkasini ko‘tarib chiqayotganini ko‘rish mumkin.

Oxirgi xabarlarga ko‘ra, Neymar «Barselona»dan «PSJ»ga rekord darajadagi mablag‘ evaziga (222 mln yevro) o‘tmoqda. U 2 avgust kuni Parijda tibbiy ko‘rikdan o‘tishi kutilmoqda.