Eron prezidenti Hasan Ruhoniy inauguratsiya marosimi doirasida qasamyod keltirdi. U ikkinchi prezidentlik muddatiga saylangandi, deb xabar bermoqda Press TV.
Inauguratsiya marosimi Tehrondagi mamlakat parlamenti binosida bo‘lib o‘tdi. Tadbirda 100 dan ortiq davlat vakillari ishtirok etdi. O‘zbekiston delegatsiyasiga Oliy Majlisi Senati raisi Nig‘matilla Yo‘ldoshev boshchilik qildi.
Ruhoniy qasamyod keltirganidan so‘ng nutq so‘zlab, unda xorijiy mehmonlarga minnatdorlik bildirdi va uning hukumati mamlakat manfaatlarini himoya qilishga tayyor ekanligini ma'lum qildi.
Avvalroq OAV Eron prezidenti bosim tufayli ayol siyosatchini vazir etib tayinlashdan voz kechishi mumkinligi haqida yozgandi.
