Avval xabar qilinganidek, Qirg‘izistondagi Bishkek-Baliqchi trassasida yuz bergan yirik YTH tufayli O‘zbekiston fuqarolari ham jabrlandi.
Kun.uz manbasining xabar berishicha, O‘zbekiston Prezidenti Shavkat Mirziyoyev 4 avgust kuni Favqulodda vaziyatlar vazirligining bortida tibbiy xodimlar bo‘lgan samolyotini Toshkentga tezkor jarrohlik amaliyotiga muhtoj bo‘lgan o‘n yoshli Igor Orlovni olib kelish uchun jo‘natish haqida buyruq berdi. Shuningdek, YTHda jabrlangan O‘zbekistonning yana besh nafar fuqarosi ham olib kelingan.
Qayd etilishicha, bugun soat 8:00 da samolyot Toshkent-Sharqiy aerodromiga qo‘ndi.
Avvalroq Issiqko‘l viloyatining Qizil O‘ruk qishlog‘ida sodir bo‘lgan yo‘l-transport hodisasi oqibatida jarohat olgan o‘zbekistonlik fuqarolar ro‘yxati Tashqi ishlar vazirligi saytida e'lon qilingandi.
