Sirdaryo viloyatida “O‘zbekiston-Xitoy” do‘stlik bog‘i barpo etiladi

“Jizzax” erkin iqtisodiy zonasining Sirdaryo filiali hududida “O‘zbekiston-Xitoy do‘stlik bog‘i” barpo etiladi.

O‘zbekiston Prezidenti Shavkat Mirziyoyev “Jizzax” erkin iqtisodiy zonasining Sirdaryo filialini yanada rivojlantirish chora-tadbirlari to‘g‘risida”gi farmoyishni imzoladi.

Hujjatda ta'kidlanishicha, “Sirdaryo ekopark” NNT “Jizzax” EIZning Sirdaryo filiali hududida “Osiyo bog‘i”ni qurish bo‘yicha loyihani amalga oshirmoqda. 

O‘zbekiston rahbari “Osiyo bog‘i”ni “O‘zbekiston-Xitoy” do‘stlik bog‘i deb nomlash taklifini ma'qulladi.

Prezident O‘zbekiston ishlab chiqarilmaydigan, “Sirdaryo ekopark” tomonidan “O‘zbekiston-Xitoy do‘stlik bog‘ini” barpo etish bo‘yicha loyihani amalga oshirish uchun bojxona to‘lovlaridan ozod etiluvchi olib kiriluvchi uskunalar, mashina, materiallar va butlovchi buyumlar, qurilish materiallari ro‘yxatini tasdiqladi.