Xorazmlik o‘quvchilar Pekinda o‘tadigan xalqaro bolalar tadbirida ishtirok etadi

2017 yilning 20-25 avgust kunlari Xitoyning Pekin shahrida “Badiiy namoyishlar sohasida ShHT o‘smirlar avlodining o‘zaro hamkorligi” mavzuida tadbir bo‘lib o‘tadi. Kuni kecha Xorazm viloyatidan 5 nafar musiqa maktabi o‘quvchisi ushbu tadbirda qatnashish uchun tayyorgarlikdan o‘tish maqsadida Toshkentga keldi.

Kun.uz manbasining ma'lum qilishicha, mazkur iqtidorli o‘quvchilarni Xorazm viloyati hokimi Po‘lat Bobojonovning shaxsan o‘zi kuzatib qo‘ygan va ularga planshet sovg‘a qilgan.

Prezident maslahatchisi Q.Quranbayevning tashabbusi bilan yuborilayotgan o‘quvchilarga pasport berilgan va ularning viza hujjatlari tayyorlab berilgan. ma'lumotlarga ko‘ra, mazkur o‘quvchilar 20 avgust kuni Pekinga uchib ketishadi.