AQSh Janubiy Koreyada Patriot raketalarga qarshi qurilmalarini joylashtirdi

AQSh Janubiy Koreyada Patriot raketalarga qarshi takomillashtirilgan majmualarini joylashtirdi. Bu KXDRning tahdidlariga javob choralari sifatida amalga oshirildi, deb xabar bermoqda RIA «Novosti».

Ta'kidlanishicha, AQSh havo mudofaasi qo‘shinlarining Janubiy Koreyadagi 35-brigadasi takomillashtirilgan raketalarga qarshi mudofaa majmuasini o‘rganish va keyinchalik qo‘llash maqsadida oldi.

Brigada hozirda Osan, Suvon, Kunsan, Kvanjuda 12 ta PAC-2 hamda PAC-3 zenit-raketa qurilmalariga egadir. Shu bilan birga, PAC-2 to‘rtta raketa bilan “o‘qlangan” bo‘lsa, PAC-3 – 16 raketaga ega.

Avvalroq Janubiy Koreya prezidenti Mun Chje In Koreya yarim orolida yangi urushga yo‘l qo‘yib bo‘lmasligi haqida aytib o‘tgandi.