АҚШ Жанубий Кореяда Patriot ракеталарга қарши қурилмаларини жойлаштирди

АҚШ Жанубий Кореяда Patriot ракеталарга қарши такомиллаштирилган мажмуаларини жойлаштирди. Бу КХДРнинг таҳдидларига жавоб чоралари сифатида амалга оширилди, деб хабар бермоқда РИА «Новости».

Таъкидланишича, АҚШ ҳаво мудофааси қўшинларининг Жанубий Кореядаги 35-бригадаси такомиллаштирилган ракеталарга қарши мудофаа мажмуасини ўрганиш ва кейинчалик қўллаш мақсадида олди.

Бригада ҳозирда Осан, Сувон, Кунсан, Кванжуда 12 та PAC-2 ҳамда PAC-3 зенит-ракета қурилмаларига эгадир. Шу билан бирга, PAC-2 тўртта ракета билан “ўқланган” бўлса, PAC-3 – 16 ракетага эга.

Аввалроқ Жанубий Корея президенти Мун Чжэ Ин Корея ярим оролида янги урушга йўл қўйиб бўлмаслиги ҳақида айтиб ўтганди.