Pentagon rahbari Iroqqa e'lon qilinmagan tashrif bilan keldi

Pentagon rahbari Jyeyms Mettis e'lon qilinmagan tashrif bilan Iroqqa keldi. Bu Tall-Afor shahrini terrorchilardan ozod qilish bo‘yicha amaliyot boshlanganidan bir necha kundan so‘ng yuz berdi, deb xabar bermoqda Reuters.

Ta'kidlanishicha, AQSh mudofaa vaziri Iroq yetakchilari bilan IShID terrorchilik guruhiga qarshi kurashning keyingi qadamlari haqida muzokaralar o‘tkazadi.

Avvalroq Mettis IShID bilan kurash hali yakuniga yetishiga ancha vaqt borligi haqida OGOHLANTIRGANDI.

Tall-Aforni IShIDdan ozod etish bo‘yicha amaliyot Iroq harbiy kuchlari tomonidan 20 avgust kuni boshlandi. U Mo‘suldan 80 kilometr g‘arbda joylashgan.