Ostonada avtobus va 9 ta mashina ishtirokida yirik YTH yuz berdi

Qozog‘iston poytaxti Ostona shahrida avtobus va to‘qqizta mashina ishtirokida yirik yo‘l-transport hodisasi ro‘y berdi. Politsiya bu holat bo‘yicha surishtiruv ishlarini boshladi, deb xabar qilmoqda «Interfaks».

«Valixonov ko‘chasidan Respublika shoh ko‘chasi tomon harakatlanib kelgan «Iveko» markali avtomashina haydovchisi oldinda turgan to‘qqizta mashina bilan to‘qnashuv sodir etdi. Haydovchi oldinda to‘siqlar paydo bo‘lganda boshqaruvni nazoratdan chiqargan va transport vositasini vaqtida to‘xtata olmagan», - deya xabar berishgan shahar ichki ishlar departamenti matbuot xizmatidan.

YTH natijasida uch haydovchi tan jarohati oldi va shifoxonaga yetkazildi.

Ushbu holat bo‘yicha surishtiruv ishlari olib borilmoqda.