Turkiyada avtobus ishtirokida YTH yuz berdi, besh kishi halok bo‘lgan

Turkiyada yo‘lovchi avtobusi ishtirokidagi yo‘l-transport hodisasi oqibatida kamida besh kishi halok bo‘ldi, deb xabar qilmoqda Habertürk.

Xabarga ko‘ra, Izmirdan Anqaraga yo‘l olgan avtobus ko‘prikning tayanchiga borib urilgan.

Hozirgi vaqtda yo‘l-transport hodisasi yuz bergan joyda qutqaruvchilar ish olib bormoqda. Telekanal ma'lumotlariga ko‘ra, gap ko‘plab jabrlanganlar haqida bormoqda.

Avvalroq Turkiyada sayyohlar bilan to‘la bo‘lgan avtobus falokatga uchragani xabar berilgandi.