Murojaatlarni ko‘rib chiqish statistikasi va natijalari barcha uchun ochiq bo‘ladi

Vazirlar Mahkamasining 22.08.2017 yildagi 659-son qarori bilan Davlat organlari va davlat muassasalarida jismoniy va yuridik shaxslar murojaatlari bilan ishlash tartibi to‘g‘risidagi namunaviy nizomga tuzatishlar kiritildi. Bu haqda Norma.uz xabar bermoqda.
 
Hujjatga kiritilgan qo‘shimchalar fuqarolarning murojaatlari bo‘yicha bajarilgan ish to‘g‘risida hisobot tartibini tartibga soladi.
 
Demak, davlat organlari va ularning mas'ul bo‘linmalari har oyda:

•  Prezident devoniga murojaatlar bilan ishlash to‘g‘risida hisobot taqdim etadi;
•  murojaatlarni ko‘rib chiqish natijalarini IDXYaPda, davlat organlarining rasmiy veb-saytlarida, bosma va elektron OAVda e'lon qiladi;
•  tushgan murojaatlarni tahlil qilish yakunlari bo‘yicha davlat organining rasmiy veb-saytida tegishli statistika hisobotlarini e'lon qiladi.