AQSh va Janubiy Koreya KXDR raketa uchirganiga javoban qo‘shma mashqlar o‘tkazdi

AQSh va Janubiy Koreya qiruvchilari hamda bombardimonchilari KXDR navbatdagi raketani uchirgani tufayli qo‘shma mashqlar o‘tkazdi. Bu haqda «Ryonxap» Janubiy Koreya harbiy-havo kuchlariga asosan xabar bermoqda.

Xabar qilinishicha, mashqlarda Amerikaning B-1B strategik bombardimonchilari Guamdagi oroldan, Yaponiyada joylashgan F-35B qiruvchilari, shuningdek, Janubiy Koreyaning F-15K qiruvchilari ishtirok etgan. Bundan tashqari, KC-135 Stratotanker harbiy-transport samolyoti ham safarbar etildi.

Agentlik ma'lumotiga ko‘ra, mashqlar Kanvondo viloyatida o‘tkazilgan.

Avvalroq Janubiy Koreya KXDRni ogohlantirib qo‘ygani xabar berilgandi.