Boks bo‘yicha sobiq jahon chempioni qamoq jazosiga hukm qilindi

Boks bo‘yicha sobiq jahon chempioni Zab Juda alimentlarni to‘lamaslik ishi bo‘yicha uch oylik qamoq jazosiga hukm qilindi.

Daily News ma'lumotiga ko‘ra, uch vazn toifasidagi bokschining qarzdorligi miqdori 120 ming dollarni tashkil etadi. Juda jazodan qochish uchun bu pullarning o‘ndan bir qismini bersa yetarli edi, biroq u mablag‘ topa olmagan.

Juda professional ringda 54 jang o‘tkazgan va 43 ta g‘alabaga erishgan.