Navoiyda alimentdan qarzdor ota tandir ichidan topildi

Karmana tumanida alimentdan qochib yurgan erkak tandir ichiga yashirinishiga urindi. Bu haqda Kun.uz’ga MIB axborot xizmati rahbari Farrux Toshpo‘latov xabar berdi.    

Ma’lum bo‘lishicha, fuqaro B.A. 2 yildan buyon aliment to‘lamasdan qochib yurgan. Uning alimentdan qarzdorligi 71 mln so‘mga yetgan. Majburiy ijro byurosi xodimlari tomonidan olib borilgan qidiruv tadbirlari natijasida erkak oshxonalardan biridagi tandir ichidan topilgan.

Sud qarori bilan qarzdor otaga nisbatan 15 sutka ma’muriy qamoq jazosi tayinlangan.

Avvalroq Samarqandda otasini ta’minlashdan bo‘yin tovlagan o‘g‘il 15 sutkaga qamalgandi.