23:04 / 02.09.2017
14122
Бокс, ЖЧ–2017 финали: Кубаликлар яна ғолиб — Иқболжон Холдоровга ҳам кумуш медал

Германиянинг Ҳамбург шаҳрида AIBA шафелиги остида ўтаётган бокс бўйича жаҳон чемпионатининг финал учрашувлари давом этмоқда.

Маълумки, вакилларимиздан тўрт боксчи финалга йўл олган ва уларнинг ҳаммаси кубалик боксчиларга қарши жанг ўтказишмоқда.

64 кг.гача вазнга эга боксчилар финалида Иқболжон Холдоров ҳам кубалик Анди Круз Гомесга қарши рингга чиқди ва ҳакамлар қуйган балларга кўра 0:5 ҳисобида имкониятни бой берди. У терма жамоа ҳисобига учинчи кумуш медални олиб келди.

Олдинроқ 46–49 кг вазн тоифасидаги боксчилар ўртасида бўлиб дастлабки жангда Ҳасанбой Дўсматов кубалик Жоанис Аргилагосга 3:2 ҳисобида имкониятни бой бериб, кумуш медал эгасига айланган эди.

52 кг.гача бўлган вазн тоифасида эса энг тажрибали боксчиларимиздан бири Жасурбек Латипов кубалик Йосбани Веитиага қарши рингга кўтарилиб, 0:5 ҳисобида ютқазди.

Бизни энди 69 кг. вазн тоифасидаги боксчилар жангида яна бир вакилимизнинг жанги кутмоқда.

Шаҳрам ҒИЁСОВ (Ўзбекистон) - Рониэл ИГЛЕСИАС ГОМЕС (Куба)

Мавзу
Бокс. ЖЧ-2017

25 август куни Германиянинг Ҳамбург шаҳрида Бокс дунёсининг 2017 йилги энг нуфузли мусобақасига старт берилди. 25 августдан 2 сентябргача Ҳамбург шаҳри AIBA World Boxing Championship-2017 мусобақасига мезбонлик қилади. Унда Ўзбекистон терма жамоаси камсонли мамлакатлар сингари тўлиқ таркибда иштирок этади. 

Барчаси
Top