«O‘zbekistonni JCh-2018ga olib chiqish uchun Toshkentga uchyapman». Genich Toshkentga kelmoqda

Rossiyalik sobiq futbolchi, «Match TV» telekanali sharhlovchisi Konstantin Genich O‘zbekiston - Janubiy Koreya o‘yinini sharhlash uchun Toshkent shahriga uchib kelmoqda. Bu haqda sharhlovchining o‘zi Tvitteridagi sahifasida yozib qoldirgan.

«Sen bilan birga kurrai zaminning yarmini kezdik, lekin har safar uyimni sog‘inib qolaverdim. O‘zbekistonni JCh-2018ga olib chiqish uchun Toshkentga uchyapman», deb yozgan Genich.

Eslatib o‘tamiz, Genich uchrashuvni UZHD kanali uchun sharhlab boradi.

Bundan tashqari, ushbu taniqli mutaxassis O‘zMTRKda sharhlovchilar uchun master klass o‘tkazishi ham ko‘zda tutilgan.