Россиялик собиқ футболчи, «Матч ТВ» телеканали шарҳловчиси Константин Генич Ўзбекистон - Жанубий Корея ўйинини шарҳлаш учун Тошкент шаҳрига учиб келмоқда. Бу ҳақда шарҳловчининг ўзи Твиттеридаги саҳифасида ёзиб қолдирган.
«Сен билан бирга курраи заминнинг ярмини кездик, лекин ҳар сафар уйимни соғиниб қолавердим. Ўзбекистонни ЖЧ-2018га олиб чиқиш учун Тошкентга учяпман», деб ёзган Генич.
Эслатиб ўтамиз, Генич учрашувни UZHD канали учун шарҳлаб боради.
Бундан ташқари, ушбу таниқли мутахассис ЎзМТРКда шарҳловчилар учун мастер класс ўтказиши ҳам кўзда тутилган.
