Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Фото: Андижон-Ўш «Дўстлик» чегара пункти очилиши кутилмоқда
19:30 / 06.09.2017
24971
Фото: davletovuz

Бугун, 6 сентябрь кунининг иккинчи ярмида Андижон ва Ўш вилоятлари ўртасидаги Ўзбекистон-Қирғизистон «Дўстлик» чегара-ўтказув пунктининг тантанали равишда очилиши кутилмоқда. Бу ҳақда Ўзбекистоннинг Бишкекдаги элчиси Дониёр Сидиқов маълумотига таянган ҳолда қирғиз маҳаллий нашлари хабар тарқатди

Хабарларда айтилишича, Ўзбекистон ва Қирғизистон президентлари кеча «Ала-Арча» қароргоҳида бир қатор ҳужжатлар билан бирга чегара масаласига доир муҳим келишувга имзо қўйган. Сўнгги йилларда мазкур чегара пунктидан ўтиш икки томон фуқароларига турли қийинчиликларни пайдо қилган, эндиликди ана шулардан бири, иккинчи томондан юборилган телеграммани кўрсатиш тартиби бекор қилинмоқда.

Эслатиб ўтамиз, жорий йилнинг 5 сентябрь куни Ўзбекистон Республикаси президенти Шавкат Мирзиëев давлат ташрифи билан Бишкекка ташриф буюрди. Бу Ўзбекистон президентининг кейинги 17 йилда қўшни Қирғизистонга давлатига биринчи расмий ташрифи бўлди.​ Унда муҳим келишувлардан бири, Қамбар Ота ГЭС иншоотини биргаликда барпо этиш масаласи ижобий ҳал бўлди.

Фото: @sanjarbeke 
Фото: @sanjarbeke 
Фото: @sanjarbeke 

Улашинг
Top