Foto: Andijon-O‘sh «Do‘stlik» chegara punkti ochilishi kutilmoqda

Bugun, 6 sentabr kunining ikkinchi yarmida Andijon va O‘sh viloyatlari o‘rtasidagi O‘zbekiston-Qirg‘iziston «Do‘stlik» chegara-o‘tkazuv punktining tantanali ravishda ochilishi kutilmoqda. Bu haqda O‘zbekistonning Bishkekdagi elchisi Doniyor Sidiqov ma'lumotiga tayangan holda qirg‘iz mahalliy nashlari xabar tarqatdi. 

Xabarlarda aytilishicha, O‘zbekiston va Qirg‘iziston prezidentlari kecha «Ala-Archa» qarorgohida bir qator hujjatlar bilan birga chegara masalasiga doir muhim kelishuvga imzo qo‘ygan. So‘nggi yillarda mazkur chegara punktidan o‘tish ikki tomon fuqarolariga turli qiyinchiliklarni paydo qilgan, endilikdi ana shulardan biri, ikkinchi tomondan yuborilgan telegrammani ko‘rsatish tartibi bekor qilinmoqda.

Eslatib o‘tamiz, joriy yilning 5 sentabr kuni O‘zbekiston Respublikasi prezidenti Shavkat Mirziëyev davlat tashrifi bilan Bishkekka tashrif buyurdi. Bu O‘zbekiston prezidentining keyingi 17 yilda qo‘shni Qirg‘izistonga davlatiga birinchi rasmiy tashrifi bo‘ldi.​ Unda muhim kelishuvlardan biri, Qambar Ota GES inshootini birgalikda barpo etish masalasi ijobiy hal bo‘ldi.