JAR prezidentining ishbilarmonlar oilasi bilan elektron yozishmalari o‘rganilmoqda

JAR politsiyasi mamlakat prezidenti Jyeykob Zuma va ishbilarmon Guptlar oilasi o‘rtasidagi elektron yozishmalarni o‘rganib chiqmoqda. Politsiya uni shaxsiy aloqalarini suiste'mol qilganlikda gumon qilmoqda. Reuters shu haqida xabar berdi. 

"Elektron xatlarni o‘rganib chiqish zarur", - deydi prokuror Shaun Abraxams.

2016 yilning oxirida News24 mahalliy yangiliklar portali vazirlar mahkamasining uch a'zosi JAR prezidentini o‘z lavozimini tark etishga chaqirgani haqida xabar bergan edi. Ular muqobil variant sifatida partiya ijroiya qo‘mitasida prezident iste'fosini ovozga qo‘yishni taklif qilishgan. JAR vazirlar mahkamasining boshqa uch a'zosi esa bunga qarshi chiqqan. 

Davlat rahbarining ehtimoliy iste'fosiga sabab sifatida uning badavlat Guptalar oilasi vakillari bilan prezidentga xos bo‘lmagan munosabatlari, hukmron partiyani qo‘llab-quvvatlashni kamaytirishi va Zumaning moliyaviy holati bilan bog‘liq mojarolar keltirilgan.