"Irma" Kubada 10 kishining hayotiga zomin bo‘ldi

Kuba davlat ommaviy axborot vositalarida xabar berilishicha, "Irma" dovuli oroldagi 10 kishining halok bo‘lishiga sabab bo‘lgan. 

Ularning aksariyati Havanada qayd etilgan, zero u yerda dovul aholi zich joylashgan bir necha hududni qamrab olgan. 

Manbada ta'kidlanishicha, ba'zi o‘lim holatlari binolarning qisman vayron bo‘lishi natijasida ro‘y bergan. Kubadagi turar-joylarning aksariyati vayron bo‘lgan. 

Karib havzasining boshqa qismlarida esa dovul kelishi natijasida kamida 24 kishining halok bo‘lgani qayd etilgan.