Jinoyatchi o‘g‘rilik sodir etganidan so‘ng qo‘lga olindi

2017 yilning 9 sentabr kuni taxminan soat 04:30 larda, muqaddam sudlangan S.B.Ye. o‘zganing mol-mulkini yashirin ravishda talon-toroj qilish maqsadida, Yunusobod tumani, 11-mavzesi hududida joylashgan kafeda bo‘la turib, shu yerda stol ustida qarovsiz qoldirilgan, fuqaro B.A.M.ga tegishli, bahosi 170.000 so‘mlik qo‘l sumkasi va uning ichidagi 450.000 so‘m va 100 AQSh dollari miqdoridagi pullarni o‘g‘irlagan. Bu haqda poytaxt IIBB xabar berdi.

Mazkur holat yuzasidan, Yunusobod tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 1 -qismi (o‘g‘irlik, ya'ni o‘zganing mol-mulkini yashirin ravisha talon-toroj qilish) alomatlari bilan jinoyat ishi qo‘zg‘atilgan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.