So‘nggi 20 yildagi eng kuchli magnit bo‘roni Yerga tahdid solmoqda

Yaqin kunlarda huddan tashqari faollashgan quyosh chaqnashlari sayyoramizda yuqori intensiv magnit bo‘ronini keltirib chiqaradi. 

Olimlarning prognoziga ko‘ra, Yerga so‘nggi 20 yildagi eng kuchli magnit bo‘roni tahdid solmoqda. Bunga oxirgi vaqtlarda bir necha marta ro‘y bergan quyosh chaqnashlari sabab bo‘lmoqda. Qator ommaviy axborot vositalari shu haqida ma'lum qilgan. 

Quyosh energiyasining zarrachalari Yerning magnit maydoni bilan o‘zaro ta'sirga kirishadi va tizimda buzilishlar qayd etiladi - biz ularni magnit bo‘roni deb ataymiz. Bu hodisa aloqa, elektr ta'minoti tizimlarida buzilishlarni keltirib chiqaradi hamda bolalar va jonivorlarning salomatligiga ta'sir ko‘rsatadi. 

Manbaga ko‘ra, magnit bo‘roni boshlangan, lekin hali avj pallasiga chiqmagan, deya xabar beradi Planet-Today. U so‘nggi 20 yildagi eng kuchli magnit bo‘roni bo‘lishi kutilmoqda. 13 sentabr kuni Yer magnitosferasi  og‘irroq ahvolda bo‘ladi, biroq soat 17:00dan keyin ancha tinchlanadi. 

14 sentabr, payshanba kuni esa G1 darajasidagi zaif magnit bo‘roni kuzatiladi. 

Olimlar yurak-qon tomir tizimidagi kasalliklari bo‘lgan, psixikasi nosog‘lom va meteotobe' kishilarni yaqin kunlarda sog‘lig‘i bezovta qilishi mumkinligidan ogohlantrishmoqda. 

6 sentabr kuni Quyoshda so‘nggi 12 yildagi eng kuchli chaqnash ro‘y bergan, u ikki quyosh dog‘i guruhlarining qo‘shilishi natijasida yuzaga kelgan. Keyingi, X toifali yanada kuchli chaqnash esa 8 sentabr kuni qayd etilgan.