El Pais: Barselonada gaz portlashi oqibatida 21 kishi jarohat oldi

16 sentabrda Barselonadagi novvoyxonalardan birida ikki marta maishiy gaz portlashi oqibatida kamida 21 kishi jarohat oldi. Bu haqda El Pais nashri xabar bermoqda.

Ma'lumotlarga ko‘ra, jarohatlanganlardan birining ahvoli og‘ir, 8 kishi jiddiy jarohat olgan. 6 kishiga voqea joyida yordam ko‘rsatilgan, qolgan jarohatlanganlar esa shifoxonaga yetkazilganlar. 

Voqea ertalab 5 qavatli binoning 1-qavatida yuz bergan. Dastlabki ma'lumotlarga ko‘ra, novvoyxonada gaz qozoni portlagan.