Britaniyaliklar O‘zbekistonda zamonaviy agroklaster qurishadi

Britaniyaliklar O‘zbekistonda paxta xomashyosi va boshqa qishloq xo‘jalik mahsulotlari yetishtirish uchun zamonaviy klaster quradi, shuningdek, mahsulotlarni qayta ishlab, raqobatbardosh mahsulotlar ishlab chiqarishni yo‘lga qo‘yadi. Bu haqda O‘zbekiston prezidentining 15 sentabr kuni imzolangan «Sirdaryo viloyatida zamonaviy paxtachilik-tekstil klasterini tashkil etish chora-tadbirlari to‘g‘risida»gi qarorida ko‘zda tutilgan.

Ushbu loyiha doirasida Vek cluster qo‘shma korxonasi tashkil etiladi, ta'sischilar Britaniyaning TRONTEX LP va GRATUM TRADING LP kompaniyalari bo‘ladi.

Yangi klaster quriladigan Sirdaryo viloyati hokimiyati 18 ming gektar sug‘orma yer ajratadi, shundan 13 ming gektari Mirzobod tumanida, 5 ming gektari – Xovosda.

Prezident qaroriga ko‘ra ushbu loyihani qo‘llab-quvvatlash uchun korxona 2022 yilning 1 yanvariga qadar bojxona to‘lovlaridan ozod qilinadi. 

Bundan tashqari, Bek Cluster QK MChJ hamda uning tarkibiga kiruvchi korxonalarga o‘zlari ishlab chiqargan mahsulotlarni erkin tasarruf etish, narx-navo shakllantirish va mahsulot realizatsiyasi hajmlarini mustaqil belgilash ruxsat etildi.

Ushbu faoliyat bilan barcha xarajatlar MChJning o‘z mablag‘lari, shuningdek, tijorat banklari kreditlari hisobidan qoplanadi.

Bundan tashqari, Bek Cluster o‘ziga ajratilgan yerlarda fermer xo‘jaliklari bilan mehnat shartnomalari asosida mehnat uchun adolatli haq to‘lash prinsiplari bo‘yicha hisob-kitoblarni amalga oshiradi.

Bek Cluster tayyor mahsulotni yuqori narxlar bo‘yicha marketing tadqiqotlari aniqlab bergan bozorlarga eksport qilib boradi. Marketing tadqiqotlari hammuassislar — Trontex LP va Gratum Trading LP bilan hamkorlikda olib boriladi.