Tojikistonga O‘zbekistondan qo‘shiq aytuvchi velosayohatchi keldi

Tojikiston poytaxti Dushanbe shahriga O‘zbekistondan velosayohatchi yetib keldi. Bu haqda «Aziya-Plyus» xabar bergan.

«Registon» ansamblining rahbari 59 yoshli Xursand Sherov Buyuk ipak yo‘li davlatlar bo‘ylab velosayohatni amalga oshirmoqda.

«Men uyga keldim, - degan xonanda O‘zbekiston-Tojikiston chegarasini kesib o‘tganidan so‘ng «Aziya-Plyus» muxbiriga. – Men aslida tursunzodalikman. Sovetlar Ittifoqi paytida Toshkentda ta'lim oldim hamda u yerda ishlash uchun qolib ketdim. Kasbim bo‘yicha opera qo‘shiqchisiman. Velosipedga 2008 yilda o‘tirganman, 2013 yildan esa sayohatni boshladim».

U bu velosiped safarini artist Muslim Magomayev xotirasiga bag‘ishladi.

«Tojikistonga Moskvadan to‘g‘ri keldim, - dedi Sherov. – Tojikistonga velosipedda kelish rejalarim bor edi, hattoki chegara yaqiniga bir necha marta kelganman, biroq uni kesib o‘tish va qarindoshlar hamda yaqinlar bilan ko‘rishishning imkoni bo‘lmadi».

Xursand Sherov joriy yildan ikki birodar respublika o‘rtasidagi munosabatlar yaxshilanganidan juda xursand, u shu sababdan tarixiy vataniga tashrif buyura oldi, deb yozadi nashr.

Joriy yilda Xursand Sherovning 5 400 kilometrlik safari Buyuk ipak yo‘li bo‘ylab o‘tadi. U har kuni 250-300 km yo‘l bosmoqda. Sherov Dushanbedan Toshkentga velosiped safarini Xo‘jand orqali amalga oshirishni rejalashtirgan.