Fazliddin G‘oibnazarov bugun jang o‘tkazadi

Professional ringda ketma-ket ikki marotaba g‘alaba qozongan Fazliddin G‘oibnazarov uchinchi jangini qachon va kimga qarshi o‘tkazishi ma'lum bo‘ldi.

Sports.uz nashrining xabar tarqatishicha, o‘zbekistonlik bokschi 22 sentabr kuni AQShda meksikalik Viktor Rosas bilan jang qiladi.

29 yashli meksikalik charm qo‘lqop ustasi to‘qqizta g‘alaba va oltita mag‘lubiyat qayd etgan. Uchta jangda raqiblarini nokautga tushirgan.

Rio olimpiadasidagi g‘alabadan so‘ng professional boksga o‘tgan Fazliddin dastlabki ikki jangda Viktor Vaskez va Agustin Maurasni mag‘lubiyatga uchratdi.

G‘oibnazarovning uchinchi bahsi sakkiz raundlik reyting jangi sifatida qayd etilgan.