Turkiya prezidenti Rajab Toyyib Erdo‘g‘an shimoliy Iroqdan neft yetkazib beriluvchi quvurni yopib qo‘yish bilan tahdid qildi. Bu haqda Reuters xabar bermoqda.
«Shundan so‘ng shimoliy Iroq hukumati qaysi yo‘laklar orqali o‘z neftini yetkazib berishi, yoki kimga uni sotishini ko‘ramiz», - degan u.
Uning ta'kidlashicha, neft quvurini to‘sib qo‘yish borasida yakuniy qaror hali qabul qilinmagan. Ehtimoliy choralar Iroq Kurdistonining mustaqillik bo‘yicha referendumi bilan bog‘liq.
Shuningdek, Turkiya bosh vaziri Binali Yildirim mamlakat Iroq Kurdistonidan neft tranzitini to‘xtatib qo‘yishi mumkin ekani haqida ma'lum qildi. Bu ushbu mintaqadagi mustaqillik bo‘yicha referendum tufayli ro‘y beradi, deb xabar bermoqda NTV telekanali.
«Agarda, Iroq hukumati bizga neft tranzitini to‘xtatib qo‘yish bilan bog‘liq murojaat yuborsa, biz choralar ko‘ramiz», - degan Yildirim.
Shuningdek, uning ta'kidlashicha, Turkiya o‘zining milliy xavfsizligini himoya qiladi.
Avvalroq Iroq Kurdistonida mustaqillik referendumi boshlangani xabar berilgandi.
