Visa Card O‘zbekistondagi faoliyatini kengaytirishni rejalashtirmoqda

Shu yilning oktabr oyida Visa Card kompaniyasi delegatsiyasi O‘zbekistonga tashrif buyuradi va hamkorlikni kengaytirish masalalarini muhokama qiladi. XPK sessiyada ishtirok etgan O‘zbekiston Milliy banki boshqaruvi raisi Suhrob Xolmurodov shu haqda ma'lum qildi. 

Uning qayd etishicha, O‘zbekistonda valyuta almashuv kurslarining bir xillashtirilishi va valyuta bozorining liberallashtirilishi Visa Card uchun yirik bozor eshiklarini ochmoqda. Shu bois kompaniya O‘zbekistondagi faoliyatini kengaytirishga qiziqish bildirmoqda.
 
Xolmurodovning so‘zlariga ko‘ra, Visa Card delegatsiyasi 9 oktabr kuni amaliy tashrif bilan keladi. Ular bilan muzokaralarda Milliy bank va Visa Card o‘rtasida munosabatlarni kengaytirish bo‘yicha fikr almashiladi va “yo‘l xaritasi” ishlab chiqiladi hamda kompaniyaning O‘zbekiston bozoridagi ishtiroki muhokama etiladi.