«Sindika»dagi yong‘indan so‘ng 6 nafar o‘zbekistonlik yo‘qolgani haqidagi ma'lumot hozircha tasdiqlanmadi 

Ommaviy axborot vositalari ma'lumotiga ko‘ra, Moskva viloyatidagi «Sindika» qurilish bozoridagi yong‘indan so‘ng 6 nafar O‘zbekiston fuqarosi bedarak yo‘qolgan. 

O‘zbekiston Tashqi ishlar vazirligi matbuot xizmatining ma'lum qilishicha, ushbu xabarni tekshirish uchun O‘zbekistonning Moskvadagi elchixonasi Konsullik bo‘limi Rossiya Favqulodda vaziyatlar vazirligining tegishli bo‘linmasi bilan bog‘langan.

2017 yil 10 oktabr Moskva vaqti bilan soat 9.00da Rossiya tomoni yuqorida qayd etilgan yong‘inda O‘zbekistonning yo‘qolgan yoki yaralangan fuqarolari haqidagi ma'lumotga ega emas.

Ushbu masala elchixona Konsullik boshqarmasining doimiy nazoratiga olingan.