“ZIL-130” haydovchisi avtomashinada 77 yoshli qo‘shnisini bosib ketdi

Urganch tumanida yashovchi, 1980 yilda tug‘ilgan M.Q. 2017 yil 15 oktabr kuni o‘ziga tegishli bo‘lgan “ZIL-130” rusumli yuk avtomashinasida qo‘shnisi, 1940 yilda tug‘ilgan, B.T.ning sholi somonini daladan uyiga olib kelishda ko‘maklashmoqchi edi, deb xabar bermoqda Xorazm viloyati IIB.

Ammo, avtomashinaga somon ortish jarayonida, haydovchi orqaga harakatlanish paytida ehtiyot choralarini ko‘rmaganligi bois, avtomashina orqasida turgan qo‘shnisini bosib o‘tadi, natijada, 77 yoshni qarshilagan, otaxon olgan tan jarohati tufayli hodisa joyida vafot etdi.

Mazkur holat yuzasidan surishtiruv ishlari olib borilmoqda.