Qirg‘iziston parlamentining yangi spikeri saylandi

Qirg‘iziston parlamenti (Jo‘qorg‘u Kenesh)ning yangi spikeriga 40 yoshli Dostonbek Jumabekov aylandi. 

Jumabekov bu lavozimda iste'foga chiqqan Chiniboy Tursunbekovni almashtirdi.

Jumabekovning spiker lavozimiga nomzodi parlamentdagi ko‘pchilikni tashkil etuvchi uchta siyosiy partiyaning koalitsiyasi tomonidan ilgari surildi.

«Onuguu-Progress» parlament fraksiyasi Ishaq Masaliyevni spiker lavozimiga nomzod sifatida ko‘rsatdi.

Yashirin ovoz berish yakunlari bo‘yicha Jumabekov Jo‘qorg‘u Keneshning spikeri etib saylandi. Uning nomzodi uchun 88 nafar deputat ovoz bergan bo‘lsa, Masaliyev nomzodini 26 deputat qo‘llab-quvvatladi.