2017 yil 27 oktabr kuni soat taxminan 05:30 larda, voyaga yetmagan S.D. o‘zganing mol-mulkini yashirin ravida talon-toroj qilish maqsadida, Shayxontohur tumanida joylashgan do‘konga eshigini buzish yo‘li bilan g‘ayriqonuniy ravishda kirib, fuqaro D.T.ga tegishli bo‘lgan 1.878.000 so‘mlik mol-mulkini o‘g‘irlab, jinoyat joyidan yashiringan. Bu haqda poytaxt IIBB xabar bermoqda.
Toshkent shahar IIBB PPX xodimlari tomonidan o‘tkazilgan tezkor tadbir davomida S.D. aniqlanib, ushlangan.
Mazkur holat yuzasidan Shayxontohur tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 2-qismi “g” bandi (o‘g‘irlik, ya'ni uy-joy, omborxona yoki boshqa xonaga g‘ayriqonuniy ravishda kirib, o‘zganing mol-mulkini yashirin ravishda talon-toroj qilish) alomatlari bilan jinoyat ish qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
