Puchdemon Kataloniyadagi saylovlarda dunyoning istalgan nuqtasidan ishtirok etishga tayyorligini bildirdi

Foto:© AP Photo/Manu Fernandez

Kataloniyaning sobiq rahbari Karles Puchdemon 21 dekabrga belgilangan Kataloniyada o‘tadigan saylovlarga o‘z nomzodini qo‘yishga va buni sayyoramizning istalgan nuqtasidan amalga oshirishga tayyorligini aytdi.

U bu haqda Belgiyaning RTBF telekanaliga bergan intervyusida aytib o‘tgan.

“Men nomzod bo‘lishga tayyorman”, deb aytgan Puchdemon. Kataloniyaning sobiq rahbari jurnalistning u o‘z saylovoldi kampaniyasini Belgiyadan olib borishi-bormasligini aniqlashtirish maqsadida bergan savoliga “bu kampaniyani sayyoramizning istalgan joyidan olib borishga tayyorligini” aytgan.

Puchdemon boshchiligidagi Kataloniya rahbariyati Ispaniya hukumati tomondan chetlatildi. Siyosatchi hozirda Kataloniyaning 4 nafar sobiq vaziri bilan birgalikda Belgiyada qolmoqda.

Tayyorlagan Шуҳрат Раҳимов

#Kataloniya #Karles Puchdemon

Ispaniyaning shimoliy-sharqiy hududida, Kataloniya avtonomiyasida, istiqomat qiluvchi aholi 1 oktabr katalonlarning mustaqillik masalasini hal etish uchun ko‘chaga chiqdi. Rasmiy Madrid ushbu harakatni yo‘qqa chiqarish maqsadida mahalliy politsiya kuchidan foydalanmoqda.