"Yil transferi"ni birinchi bo‘lib aytgan jurnalist Neymarning keyingi jamoasi haqida gapirdi

Neymarning "PSJ"ga o‘tishini birinchi bo‘lib ma'lum qilgan braziliyalik jurnalist Marselo Bexler dunyoning eng qimmat o‘yinchisining Parijdagi hayotiga bog‘liq yangi ma'lumotlarni oshkor qildi. 

"Neymar "Barselona"dan ketgani haqida borgan sari ko‘proq afsuslanmoqda. Uning onasi va o‘g‘li hali ham Kataloniyadan istiqomat qilishadi. Ularsiz 25 yoshli futbolchi o‘zini yolg‘iz his qilmoqda. 

Bundan tashqari, Neymarga berilgan alohida mavqe jamoaning boshqa futbolchilari noroziligiga sabab bo‘lmoqda va bu yechinish xonasidagi qo‘shimcha bosimga olib kelmoqda", – dedi Baxler. 

Uning qo‘shimcha qilishicha, "Barselona"da o‘ynagan bo‘lishiga qaramay, Neymar "Real Madrid" tomonidan beriladigan taklifni rad etmaydi.